Gələn ildən pensiya təyinatının tam avtomatlaşdırılmasına keçilə bilər.
Report-un xəbərinə görə, bunu barədə Əmək və Əhalinin Sosial Müdafiəsi naziri Sahil Babayev deyib.
“Elektronlaşdırma istiqamətində işlər aparılır. Hazırda qanunvericiliyə əsasən, işləyən pensiyaçılar altı ildən sonra işlədiyi dövr üzrə sosial sığorta haqlarını almaq hüququna malikdir. Hazırda elektronlaşdırma istiqamətində işlər aparılır. Müvafiq qanunvericlik dəyişiklikləri qəbul edildiyi təqdirdə gələn ildən pensiya təyinatının tam avtomatlaşdırılmasına keçə bilərik”, - nazir əlavə edib.
