Belarusun paytaxtı Minskdə keçirilən II Avropa Oyunlarında boks yarışlarının növbəti qarşılaşmaları keçirilib.
APA-nın Minskə ezam olunmuş əməkdaşının məlumatına görə, “Uruçye Arena”da 1/4 final mərhələsinin döyüşləri davam edir.
Azərbaycan yığmasının daha bir üzvü yarımfinala vəsiqə uğrunda mübarizə aparıb. 60 kq çəki dərəcəsində çıxış edən Cavid Çələbiyev Gürcüstan idmançısı Otar Eranosyanla qarşılaşıb. Dünya çempionumuz 2:3 hesabı ilə məğlub olub.
Qeyd edək ki, bu gün daha bir Azərbaycan boksçusu 1/4 final döyüşünü keçirəcək. Alfonso Dominqes (81 kq) rinqə çıxacaq. Lorenzo Sotomayor (69 kq) isə artıq yarımfinala yüksəlib.
Oxunub: 668
