Bu gün Bakı Ağır Cinayətlər Məhkəməsində Respublika Narkoloji Mərkəzində baş verən yanğınla bağlı həbs edilənlərə hökm oxunub.
Djb.az-in ONA-ya istinadən məlumatına gorə, hakim Azər Paşayevin sədrliyi ilə keçirilən prosesdə yanğını törətməkdə təqsirləndirilən Məhəmməd Məmmədov ömürlük azadlıqdan məhrum edilib. Digər təqsirləndirilən şəxslər - Mərkəzin direktoru Telman Məmmədhəsənov 4 il, Mərkəzin əməyin təhlükəsizliyi üzrə mühəndisi Mahir Abdullayev 3 il 6 ay müddətinə azadlıqdan məhrum ediliblər.
Mərkəzin şöbə müdiri Afət Məmmədovaya isə şərti cəza verilib.
