Papua Yeni Qvineyadakı iğtişaşlarda 16 nəfərin öldürülməsindən sonra hökumət və polis rəsmiləri vəzifədən kənarlaşdırılaraq fövqəladə vəziyyət elan edilib.
Polis və ictimai sektorun məmurların inzibati xəta ilə əsaslandırdığı maaşların kəsilməsinə etirazı qanunsuzluqla nəticələnib.
Televiziya görüntüləri paytaxt Port Moresbi küçələrində minlərlə insanın şəhəri qara tüstüyə bürüdüyü, onların bir çoxunun qarət edilmiş mal kimi görünən əşyaları daşıdığını göstərib.
Port Moresbidə baş verən iğtişaşlarda 9 nəfər, qızıl və mis mədəni olan, ölkənin şimalında yerləşən Lae şəhərində isə 7 nəfər həlak olub.
"Mütəşəkkil iğtişaşların baş verdiyinə dair sübutlar var idi. Biz demokratiyanı təmin edəcəyik, qanunun aliliyini təmin edəcəyik", - hökumət başçısı deyib.
Onun sözlərinə görə, 1000-ə yaxın hərbçi növbəti iğtişaşların qarşısını almaq üçün hazır vəziyyətdədir.
ABŞ-ın Port Moresbidəki səfirliyi polisin işə qayıtdığını, lakin gərginliyin yüksək olaraq qaldığını bildirib.
Çin səfirliyi bildirib ki, bir neçə Çin vətəndaşı yüngül xəsarət alıb, Çinə məxsus mağazalar vandalizm və talanlara məruz qalıb.("Reuters")
Oxunub: 130
