“Cümə günü- aprelin 1-də Ukrayna-Rusiya nümayəndə heyətləri arasında onlayn görüş keçiriləcək”.
Djb.az konkret.az-a istinadən xəbər verir ki, bunu Ukrayna nümayəndə heyətinin üzvü, “Xalqın xidmətçisi” fraksiyasının sədri David Araxamia deyib.
David Araxamia bildirib ki, bir həftə ərzində Volodimir Zelenski ilə Vladimir Putinin görüşünə hazırlıqların tamamlanacağına ümid edir:
“Türkiyədə keçirilən danışıqlarda biz də bildirdik ki, indi iki dövlətin liderlərinin görüşünə ehtiyac var. Rusiya nümayəndə heyəti cavab verdi ki, öncə nümayəndə heyətləri razılaşdırılmış müqavilə layihəsini hazırlamalıdır. Bir həftə ərzində biz öz üzərimizə düşən müqavilə layihəsini hazırlayacağıq. Ümid edirik ki, ondan sonra Prezidentlərin görüşü reallaşacaq”.
D.Araxamia həmçinin qeyd edib ki, Ukrayna tərəfi Zelenski-Putin görüşünün Rusiya və Balarus ərazisində deyil, başqa ölkədə keçirilməsinidə israrlıdır.
Oxunub: 425
