ABŞ Konqresində F-16 qırıcılarının Türkiyəyə satışı ilə bağlı məsələlərə çox müsbət yanaşırlar.
Djb.az axar.az-a istinadən xəbər verir ki, bunu Türkiyənin hakim Ədalət və İnkişaf Partiyasının (AKP) sədr müavini Əfqan Ala ABŞ Konqresindəki görüşləri barədə danışarkən deyib.
“Türkiyənin müdafiə sənayesini gücləndirməyin NATO-ya da necə dəstək verəcəyi ilə bağlı müzakirələr apardıq. Eyni zamanda, regional və qlobal sülhə nə qədər tez dəstək verə biləcəyimizi onlarla paylaşdıq. Onlar da buna müsbət yanaşdıqlarını bildirdilər”, - partiya rəsmisi qeyd edib.
Ala vurğulayıb ki, Türkiyənin artan əhəmiyyətinin dünya getdikcə fərqindədir:
“Ankaranın problemlərə həlledici yanaşmasını təkcə biz deyil, həm də dünya görür. Bunu tərəfdaşlarımız da yüksək qiymətləndirir”.
Oxunub: 445
