Filippinin şərqində 5,7 bal gücündə zəlzələ baş verib.
APA “RİA Novosti”yə istinadən xəbər verir ki, bu barədə Filippinin Vulkanologiya və Seysmologiya İnstitutunun verdiyi məlumatda deyilir.
Zəlzələ yerli vaxtla 05:19-da (Bakı vaxtı ilə 01:19) qeydə alınıb. Zəlzələnin episentri Leyte əyalətindəki Kapukan bələdiyyəsindən 8 kilometr şimal-qərbdə, ocağı isə 13 kilometr dərinlikdə yerləşib.
Yeraltı təkanlar nəticəsində tələfat və dağıntılar barədə məlumat verilməyib.
Oxunub: 443
