“2015-ci ildə “Normand dördlüyü” liderlərinin görüşü zamanı Rusiya Prezidenti Vladimir Putinlə apardığım danışıqlar həyatımın ən dəhşətli gecəsi idi”.
APA-nın xəbərinə görə, bu barədə Ukraynanın sabiq Prezidenti Petro Poroşenko “Ukrainskaya pravda” qəzetində yayımlanmış məqaləsində bildirib.
Onun sözlərinə görə, Minsk sammitində gələcək razılaşmaları müzakirə etmək üçün Rusiya Prezidenti ilə 19 saatlıq yorucu marafondan keçməli olub.
Sabiq Prezident Rusiya liderini soyuq və qəddar danışıq aparan biri kimi xarakterizə edib.
“Bu mənim həyatımda ən dəhşətli gecələrdən biri idi”, - deyə P. Poroşenko qeyd edib.
Oxunub: 470
