Dominikan Respublikasının şimalındakı Puerto-Plata əyalətində göyərtəsində pilotdan savayı 2 sərnişin olan özəl helikopter qəzaya uğrayıb.
ONA "El Nacional" nəşrinə istinadən xəbər verir ki, düşməzdən əvvəl helikopterdə yanğın olub.
Helikopterin göyərtəsində ölkənin telekommunikasiya şirkətinin iki rəhbər şəxsi olub və qəza nəticəsində onların hər ikisi dünyasını dəyişib. Pilot isə xəstəxanada keçinib.
Dominikanın mülki aviasiya institutu aviaqəzanın səbəblərini araşdırır.
