Türkiyəyə sanksiya tətbiq edərlərsə, Rusiya və ya digər ölkələrdən fərqli reaksiya verərik.
Axar.az xəbər verir ki, bu açıqlama ilə Türkiyə Xarici İşlər naziri Mövlud Çavuşoğlu çıxış edib.
Türkiyənin Rusiyadan qaz və ya S-400 almasına cavab olaraq ABŞ-ın sanksiya tətbiq etmək kimi bir ehtimalının olduğuna münasibət bildirən Çavuşoğlu bunları deyib:
"Əlbəttə, ABŞ-ın sanksiya tətbiq etməməsinin tərəfdarıyıq. Ancaq Türkiyəni sanksiyalarla cəzalandırmaq istəsələr, Rusiya və ya digər ölkələrdən fərqli reaksiya verərik. Bizi təhdid etməsinlər. Biz NATO müttəfiqiyik. ABŞ bir çox ölkəni digər dövlətlərdən qaz almasınlar deyə təhdid edir. Belə olmaz. Güclü olmaq haqlı olmaq deyil".
