Nyu-York polisinə “Trump Tower”in qarşısında intiharçı-terrorçuların olması barədə məlumat daxil olub.
Oxu.Az “Daily News”a istinadən xəbər verir ki, məxfi xidmət və polis tərəfindən binanın ətrafına və daxilinə baxış keçirilib. Ancaq şübhəli heç nə aşkar edilməyib.
Hüquq-mühafizə orqanları aydınlaşdırıblar ki, zəng Bruklində qeydə alınmış nömrədən daxil olub. Qeyd edilir ki, bu nömrədən daha əvvəl də terror aktlarının hazırlanması barədə yalan məlumatlar daxil olub. Telefonun sahibini tapmaq mümkün olmayıb.
