» » Dövlət Gənc Tamaşaçılar Teatrında “20 mart Dünya Uşaq və Gənclər Teatr Günü” qeyd olunacaq...

Dövlət Gənc Tamaşaçılar Teatrında “20 mart Dünya Uşaq və Gənclər Teatr Günü” qeyd olunacaq...

Dövlət Gənc Tamaşaçılar Teatrında “20 mart Dünya Uşaq və Gənclər Teatr Günü” qeyd olunacaq...
Hər il olduğu kimi bu il də Azərbaycan Dövlət Gənc Tamaşaçılar Teatrı – ASSİTEJ-Azərbaycan Milli Mərkəzində 20 mart Dünya Uşaq və Gənclər Teatrı Günü qeyd ediləcək. Teatrın 2011-ci ildən bəri üzv olduğu Beynəlxalq ASSİTEJ-in təsis etdiyi bu gün “Uşağı teatra apar” devizi ilə həyata keçirilir. Və hər il Dövlət Gənc Tamaşaçılar Teatrı bu günlə əlaqədar xüsusi repertuar tərtib edir.
Uşaq və yeniyetmələrin teatrı olan Gənc Tamaşaçılar Teatrı nümayiş etdirdiyi səhnə əsərləri ilə bütün tamaşaçılarının mənəvi cəhətdən zənginləşməsi, dünyagörüşlərinin formalaşmasına çalışır. Buna görə də 20 mart xalqımızın Milli Novruz bayramı günlərinə təsadüf edən Dünya Uşaq və Gənclər Teatr Günü münasibətilə - mart ayının 18-dən – 25-dək Dövlət Gənc Tamaşaçılar Teatrı cari repertuarında olan bir-birindən maraqlı səhnə əsərlərini nümayiş etdirəcək. Həmin günlərdə “Tıq-tıq xanım”, “Qoğalın nağılı”, “Uzuncorab Pippi”, “Çirkin ördək balası”, “Aycan”, “Buratinonun macəraları” tamaşaları göstəriləcək.
Məlumat üçün bildirək ki, Dünya Uşaq və Gənclər Teatr günü 15 il öncə Uşaq və Gənclər Teatrları Beynəlxalq Assosiasiyası (ASSİTEJ) tərəfindən təsis edilib. “Uşağı teatra apar” devizi ilə həyata keçirilən bu teatr bayramı dünyanın hər bir yerində yaşayan bütün azyaşlı uşaqlar və gənclərin teatra cəlb olunmasına xidmət edir.
Təranə Feyzullayeva.
Oxşar xəbərlər
«    Yanvar 2018    »
BeÇaÇCaCŞB
1234567
891011121314
15161718192021
22232425262728
293031