“Bir insan atası tərəfindən istənilməyibsə, qəbul edilməyibsə, atası ona soyadını verməyibsə, bu həmin insanın cəmiyyətdə rol almasına niyə mane olmalıdır ki?”.
Turkustan.info xəbər verir ki, bu fikirləri tanınmış psixoloq Fərqanə Mehmanqızı müğənni Roza Zərgərlinin bələdiyyə üzvü seçilən oğlu Corc Qafarovla bağlı mübahisələrə münasibət bildirərkən söyləyib.
F.Mehmanqızı bildirir ki, soyadının olmaması bir insanın qınaq obyektinə çevrilməsi üçün əsas ola bilməz: “İnsana onun şəxsi keyfiyyətlərinə, xarakterinə görə qiymət verilə bilər. Atasının seçiminə, nəyi necə istəməsinə o cavabdeh deyil. Bir insan ömür boyu bunun yükünü daşımalıdırmı? Puldan ötrü bədənini satan qadının nə zaman bədəninə toxunmadan ona pul verib uşaqlarını doydurdunuz?!”.
Oxunub: 443
