dini radikalizm və ekstremizmlə mübarizə

Aeroport yolunda üfüqi nişanlanma xətlərinin rənglənməsi işləri aparılacaq

Aeroport yolunda üfüqi nişanlanma xətlərinin rənglənməsi işləri aparılacaq
Bakının Aeroport yolunda üfüqi nişanlanma xətlərinin rənglənməsi işləri aparılacaq.

Djb.az xəbər verir ki, bu barədə ONA-ya “Azərbaycan Avtomobil Yolları” Dövlət Agentliyinin İctimaiyyətlə əlaqələr şöbəsindən məlumat verilib.


Bildirilir ki, avtonəqliyyat vasitələrinin təhlükəsiz hərəkətinin tənzimlənməsi məqsədilə Bakı şəhəri, Heydər Əliyev prospekti, Hava limanı yol qovşağından Böyük şor yol qovşağınadək (hər iki istiqamət) olan hissədə 26, 27 və 28 aprel tarixlərində səhər saat 10:00-dan axşam saat 18:00-dək üfüqi nişanlanma xətlərinin rənglənməsi işləri aparılacaq.


Bundan başqa, Mehdi Hüseyn, Teymur Elçin, Lermontov və İstiqlaliyyət küçələrində, həmçinin İnşaatçılar, Nərimanov, Parlament, Hüseyn Cavid prospektlərində və Hüseyn Cavid parkının ətrafında 26 və 27 aprel tarixlərində axşam saat 22:00-dan səhər saat 6:00-a kimi üfüqi nişanlanma xətlərinin yenidən rənglənməsi işlərinin aparılması nəzərdə tutulur.


Bu səbəbdən sürücülərdən qeyd olunan tarixlərdə adı çəkilən ünvanlar boyu hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.

Oxunub: 558
Oxşar xəbərlər
SON XƏBƏRLƏR