Astara rayon İcra Hakimiyyəti, Astara Mərkəzi Kitabxanası,”Astara” qəzeti, Astara Book House kitab evi, Astara Gənclər və İdman İdarəsi və Gənclərin Sosial İnkişafına Dəstək İctimayi birliyinin birgə təşkilatçılığı ilə Dünya Azərbaycanlılarının Həmrəyliyi Gününə həsr olunmuş “Həmrəyliyimiz Birliyimizdir”şüarı altında 1 yanvar 2018-ci il tarixində saat 11:00-dan saat 18:00-dək Astara Park-Bulvar ərazisində ikinci “Kitab və Qəzet” yarmarkası keçirilmişdir.
Astarada ikinci dəfə keçirilən “Kitab və Qəzet” yarmarkasının əsas məqsədi marifləndirmək,bilgiləndirmək, kitaba,qəzetə olan həvəsi artırmaq, milli-mənəvi dəyərlərimizi,tariximizi qoruyub saxlayan kitablarımızı,qəzetimizi yaşatmaq, gənclərimizi oxumağa həvəsləndirmək və həmçinin ehtiyacı olan şəhid ailəsinə yardım etməkdir.
Kitab-qəzet yarmarkasında müxtəlif məzmunlu nəşrlər, dünya ədəbiyyatının görkəmli nümayəndələrinin əsərlərindən elmi, texniki, tibbi və müxtəlif sahələrdəki kitablarlar, həmçinin “Astara” qəzetinin yeni il buraxılışndan və əvvəlki nömrələrindən əldə etmək mümkün olmuşdur.
Layihənin rəhbəri “Astara” qəzetinin baş redaktoru Fəridə Söhrabqızından aldığımız məlumata görə, bu cür layihələrin həyata keçirilməsi insanlara vətənpərvərlik, həmrəylik,yardımlaşma, dostluq,mehribanlıq ruhunu aşılayır. Belə marifləndirici və xeyriyyə missiyası daşıyan layihələrimizin Astarada davam etməsi və ənənə halını alması üçün daim çalışacağıq. Həmrəyliyimiz birliyimizdir,oxuyan cəmiyyət yaradaq devizi altında keçirdiyimiz yarmarka uğurla başa çatmışdır.
Həmçinin yamarkaya gələrək bizləri sevindirən, Astara Book House kitab evinə özünün yazdığı tərcümə kitablarını hədiyyə edən yazıçı, tərcüməçi, 1998-ci ildən Azərbaycan Yazıçılar Birliyinin üzvü, Azərbaycan Respublikası Mədəniyyət və Turizm Nazirliyinin “Qızıl Kəlmə” mükafatçısı , filologiya üzrə fəlsəfə doktoru Kamran Nəzirliyə diqqəti üçün xüsusi minnətdarlığımızı bildiririk.
Qeyd olunub ki, ikinci “Kitab və Qəzet” yarmarkasının birinci dəfəkindən fərqi ondadır ki, burada rayonun fəal gəncələrindən ibarət könüllülər yarmarkanın təşkilində xüsusi əməkləri olmuşdur.
Yarmarkada ictimaiyyətin nümayəndələri,ziyalılar, təşkilatlar,məktəblər, kollec tələbələri və yerli əhali mütəşəkilliklə iştirak etmişlər.
