Moldova xarici işlər nazirinin müavini Azərbaycana səfər edəcək

Fevral ayının sonunda Moldova xarici işlər nazirinin müavini Lilian Dariy Azərbaycana səfər edəcək.
Verilən məlumata görə, bunu Moldovanın Azərbaycandakı səfiri George Leuka deyib.

O bildirib ki, L. Dariy Bakıda Azərbaycan-Moldova XİN-lər arasındakı siyasi məsləhətləşmələrdə iştirak edəcək.

Bu il həmçinin Azərbaycan-Moldova iqtisadi əməkdaşlığa dair hökumətlərarası komissiyasının iclası keçiriləcək. İclasda Moldova baş nazirinin müavini Oktavian Kalmık iştirak edəcək. İclas zamanı iqtisadiyyat, mədəniyyət və təhsil məsələləri müzakirə olunacaq.
Sosial səhifələrdə paylaş