dini radikalizm və ekstremizmlə mübarizə

Könül Nurullayeva: “Ermənistanın törətdiyi növbəti terror aktına dünya ictimaiyyəti hələ də biganədir”

Baxış Sayı:57

Könül Nurullayeva: “Ermənistanın törətdiyi növbəti terror aktına dünya ictimaiyyəti hələ də biganədir”

Oktyabrın 17-si gecə saatlarında erməni hərbi qüvvələrinin üçüncü dəfə Gəncəni hədəfə alması Ermənistanın 1990-cı illərdən bəri həyata keçirdiyi terror siyasətinin, dəqiqliklə desək, 1992-ci il Xocalı Soyqırımının açıq-aşkar davamıdır. Dünyada qadağan edilmiş SKUD ballistik mərmilərindən istifadə edilməsi, münaqişə zonasından 64 km aralıqda yerləşən əhalinin sıx yaşadığı Azərbaycan şəhərini və mülki əhalisini hədəfə alması, üçü azyaşlı olmaqla 15 nəfərin həyatına son qoyması buna bariz sübutdur.

Bu Ermənistanın sentyabrın 27-dən – münaqişənin alovlanmasından bəri törətdikləri ilk təxribat deyil. Elə Gəncə şəhərinin özündə ermənilər bundan öncə iki qanlı təxribat törətmiş, eyni zamanda, gündəlik olaraq, Tərtər, Bərdə, Ağdam, Ağcabədi, Mingəçeviri də intensiv atəşə tutmuşlar. Əfsuslar olsun ki, beynəlxalq ictimaiyyət başverənlərə hələki adekvat cavab vermir, Ermənistana qarşı güclü təzyiq göstərmir. Beynəlxalq ictimaiyyət onu bilməlidir ki, Ermənistanın bu gün Gəncəni, dünən isə Ordubadı hədəf alması onun müharibə miqyasını genişləndirmək cəhdi, mümkün üçüncü tərəfləri münaqişəyə sürükləmək istəyidir.

Erməni tərəfinin bu tipli mənfur əməlləri onların döyüş, siyasi və informasiya meydanındakı məğlubiyyətindən irəli gəlir. Prezident İlham Əliyevin də bildirdiyi kimi: "Heç bir güc Azərbaycanı öz ərazi bütövlüyünü bərpa etmək hüququndan məhrum edə bilməz. Azərbaycan suveren hüququndan istifadə edərək, öz sərhədləri çərçivəsində ərazi bütövlüyünü bərpa edir. Bu bizim haqq işimizdir”. Erməni hərbi-siyasi rəhbərliyi isə öz növbəsində bu mesajı çox yaxşı dərk edir və anlayır ki, nə müharibəni, nə də diplomatik danışıqları diktə etmək ixtiyarındadır. Paşinyanın illuziyaya əsaslanan bəyanatları belə bir xülyaya çevrilib. Bu gün Ermənistanın hərbi məğlubiyyətdən doğan problemləri özünü böyük siyasi və iqtisadi böhran şəklində təcəssüm etdirir. Əsgərlər arasında kütləvi fərarilik yaşanır, əhali arasında orduda iştirak etmək ilə bağlı kütləvi narazılıqlar artır. Elə buna görə də bütün erməni aqressiyası mülki dinc əhalimizə qarşı yönəldilir, dekonstruktiv motiv və qisas xarakteri daşıyır.

Oxşar xəbərlər
SON XƏBƏRLƏR