Türkiyə parlamenti səsvermənin nəticələrinə görə sosial medianı tənzimləyən qanun layihəsi qəbul edib.
KONKRET.az xəbər verir ki, bu haqda məlumatı RİA Novosti agentliyi yayıb.
Hakim Ədalət və İnkişaf Partiyasının (AKP) parlament fraksiyasının rəhbəri Özlem Zengin deyib ki, AKP parlamentinə təqdim olunan 9 bəndlik qanun layihəsinə görə, 1 milyondan çox istifadəçisi olan böyük sosial şəbəkələrin Türkiyədə nümayəndəliyi olması tələb olunur, rəhbəri onun vətəndaşı olmalıdır.
Türkiyə hakimiyyəti tərəfindən təhqiredici və təhqiramiz hesab olunan mesajlar 48 saat ərzində məhkəmə qərarı olmadan silinməlidir. Məzmunun ləğvi və sosial şəbəkələrin nümayəndələrinin təyin edilməsi tələbləri yerinə yetirilmədiyi təqdirdə, böyük cərimələr tətbiq ediləcək və trafikləri əhəmiyyətli dərəcədə azaldılacaq.
Qanun layihəsi şirkətlərdən türk müştərilərinin bütün məlumatlarını Türkiyədə saxlamalarını tələb edir.
BMT-nin İnsan Hüquqları üzrə Ali Komissarlığının rəsmisi Liz Trossell daha əvvəl bildirmişdi ki, BMT Türkiyədə sosial şəbəkələrin tənzimlənməsi ilə bağlı vətəndaşların hüquq və azadlıqlarına xələl gətirə biləcək yeni bir qanunun tətbiqi ehtimalından narahatdır.
Trossell qeyd edib ki, Türkiyə Daxili İşlər Nazirliyinin məlumatına əsasən 2020-ci ilin may ayında sosial şəbəkələrdə COVİD-19 pandemiyası və hökumətin buna reaksiya verdiyi “əsassız” və “təxribatçı” mesajlara görə ən azı 510 nəfər tutulub.
Oxunub: 371
