» » Zaqatala rayonunda YAP-ın Zaqatala, Balakən və Qax rayon təşkilatlarının ərazi ilk partiya təşkilatlarının sədrlərinin iştirakı ilə müşavirə keçirilib

Zaqatala rayonunda YAP-ın Zaqatala, Balakən və Qax rayon təşkilatlarının ərazi ilk partiya təşkilatlarının sədrlərinin iştirakı ilə müşavirə keçirilib


Oktyabrın 8-də Zaqatala rayonunda Azərbaycan Respublikası Baş nazirinin müavini, YAP Sədrinin müavini Əli Həsənovun sədrliyi ilə Yeni Azərbaycan Partiyasının Zaqatala, Balakən və Qax rayon təşkilatlarının ərazi ilk partiya təşkilatlarının sədrləri və partiya fəallarının iştirakı ilə müşavirə keçirilib.

Tədbir iştirakçıları əvvəlcə Ümummilli Lider Heydər Əliyevin abidəsini ziyarət ediblər.

Zaqatala rayonu Heydər Əliyev Mərkəzində keçirilən müşavirədə öncə Ümummilli Lider Heydər Əliyevin əziz xatirəsi bir dəqiqəlik sükutla yad olunub.

Baş nazirin müavini, YAP Sədrinin müavini Əli Həsənov tədbirdə çıxış edərək müstəqil Azərbaycanın Ulu Öndər Heydər Əliyevin müəyyənləşdirdiyi siyasi kurs əsasında uğurla inkişaf etdiyini bildirib. Onun sözlərinə görə, bu gün Prezident İlham Əliyevin həyata keçirdiyi siyasət nəticəsində Azərbaycan davamlı olaraq inkişaf edir, dövlətçiliyimiz möhkəmlənir, əhalinin sosial rifahı daha da yüksəlir.

Yeni Azərbaycan Partiyasının sıralarında 750 minə yaxın Azərbaycan vətəndaşının birləşdiyini deyən Əli Həsənov partiyamızın ölkəmizdə aparıcı siyasi qüvvə olduğunu diqqətə çatdırıb. YAP Sədrinin müavini qeyd edib ki, müşavirənin məqsədi partiyanın şəhər və rayon təşkilatlarının ərazi ilk partiya təşkilatlarının fəaliyyətinin daha da gücləndirilməsi ilə əlaqədardır.

Əli Həsənov həmçinin, ölkəmizin inkişafını və güclənməsini istəməyən qüvvələrin olduğunu deyərək sosial şəbəkələrdə ölkəmizə qarşı qarayaxma kampaniyasının aparıldığını vurğulayıb. O bildirib ki, YAP üzvləri ölkəmizin qazandığı nailiyyətlərin geniş təbliği işini fəal şəkildə aparmalı, ölkəmizə qarşı qarayaxma kampaniyası aparan dairələrin, radikal müxalifətin əsl niyyətlərini cəmiyyətimizdə ifşa etməlidirlər.

Müşavirədə ictimai-siyasi proseslərdə ərazi ilk partiya təşkilatlarının, partiya fəallarının üzərinə düşən vəzifələr müzakirə olunub, müvafiq tövsiyə və tapşırıqlar verilib.

Sonda YAP sıralarına yeni qoşulmuş bir qrup şəxsə üzvlük vəsiqələri təqdim olunub.
Oxşar xəbərlər
«    Ekim 2019    »
PtSaÇaPrCuCtPz
 123456
78910111213
14151617181920
21222324252627
28293031