Azərbaycanın Perudakı müvəqqəti işlər vəkili Mehdi Məmmədov Lima şəhərində Perunun Azərbaycana yeni təyin olunmuş səfiri Mariya Milaqros Kastanyon Seoane ilə görüşüb.
"Report" xəbər verir ki, azərbaycanlı diplomat səfirlə ikitərəfli münasibətlərin inkişaf yollarını müzakirə edib, Azərbaycanın inkişafı barədə məlumat verib.
Xatırladaq ki, M.M.K.Seoane Bakıya mayın sonunda gələcək. Xanım diplomat Perunun ölkəmizdəki ilk səfiri olacaq. Bundan əvvəl səfirliyə müvəqqəti işlər vəkili Luis Çanq Baldrini rəhbərlik edib.
