Bu ilin sentyabr ayında Bakıda "Davamlı inkişaf məqsədləri" adlı konfrans keçiriləcək. "Report" xəbər verir ki, bunu BMT-nin İnkişaf Proqramının təşkil etdiyi “İnteqrasiya, sürətləndirmə və siyasət dəstəyi” (MAPS) hesabatı üzrə məsləhətləşmə seminarında çıxış edən Azərbaycanın iqtisadiyyat nazirinin müavini Sevinc Həsənova deyib.
S.Həsənovanın sözlərinə görə, Azərbaycan "Bakı prinsipləri"nin qəbulunda maraqlıdır: "Biz bu barədə müzakirələr apardıq və qərara aldıq ki, "Bakı prinsipləri" qəbul olunsun. Bundan sonra dünyada qəbul edilən daha təkmil sənədin qəbuluna nail olacağıq".