» » Elxan Şahinoğlu: Tramp ABŞ-ı Ərəb dünyası ilə üz-üzə qoyur

Elxan Şahinoğlu: Tramp ABŞ-ı Ərəb dünyası ilə üz-üzə qoyur

Elxan Şahinoğlu: Tramp ABŞ-ı Ərəb dünyası ilə üz-üzə qoyur

ABŞ-ın Qüdsü İsrailin paytaxtı kimi tanıması yanlış addımdır.

Bu barədə Oxu.Az-a politoloq, "Atlas" Araşdırmalar Mərkəzinin rəhbəri Elxan Şahinoğlu bildirib.

“90-cı illərdən başlayaraq ABŞ Qüdsün İsrailin paytaxtı kimi tanınması məsələsini qaldırıb. Lakin ölkənin o zamankı prezidentləri bu qərarı qəbul etməyə risk etmirdilər. Çünki bu qərarın yerinə yetirilməsi ölkədə gərginliyi artıra, Ərəb dünyası ilə münaqişə yarada bilərdi.

Lakin ABŞ-ın hazırkı prezidenti Donald Tramp bu addımı atdı. Düşünürəm ki, bundan sonra bölgədə vəziyyət gərginləşə bilər”, - deyə politoloq bildirib.

Onun sözlərinə əsasən, ABŞ Qüdsü İsrailin paytaxtı kimi tanıyan yeganə ölkə olacaq.

“Bu addımdan ABŞ-ın özü də zərər çəkəcək. Böyük ehtimalla, belə addımdan sonra bir çox ölkənin ABŞ-la münasibətləri soyuyacaq. Artıq bununla bağlı çox sərt bəyanatlar da var”, - deyə E.Şahinoğlu vurğulayıb.

Qeyd edək ki, ABŞ prezidenti Donald Tramp Qüdsü İsrailin paytaxtı kimi tanıdığını elan edib.
Oxşar xəbərlər
«    Yanvar 2018    »
BeÇaÇCaCŞB
1234567
891011121314
15161718192021
22232425262728
293031