dini radikalizm və ekstremizmlə mübarizə

Tarixdə bu gün: Azərbaycan kino aktyoru və rejissoru Ceyhun Mirzəyev ürək tutmasından vəfat etmişdir

Baxış Sayı:490


Ceyhun Cəmil oğlu Mirzəyev 09 aprel 1946 - cı ildə Ağdam rayonunun Abdal - Gülablı kəndində anadan olmuşdur. Azərbaycan Dövlət İncəsənət İnstitutunun rejissorluq fakültəsini bitirib. Moskvada da təhsil alıb. Onun 46 illik ömrünün 35 ilə yaxını kino ilə bağlı olub. Çünki "Görüş" filmində Şıxəlinin oğlunun obrazını yaradanda cəmi 11 yaşı var idi. On iki yaşı olanda isə "Ögey ana"ya dəvət almışdı. Ceyhun Mirzəyev kinostudiyada müxtəlif peşələrdə çalışıb. Assistent də olub, rejissor köməkçisi də işləyib, aktyorluq da edib, üstəlik rejissor kimi filmlər də çəkib. "Mozalan" satirik kinojurnalı üçün süjetlər çəkib. "Mozalan"ın bədii rəhbəri olub. Ceyhun Mirzəyev həm də güclü parodiyaçılıq qabiliyyətinə malik olub. Belə ki, o, bir dəfə söhbət etdiyi adamın səsini, danışıq formasını o dəqiqə yamsılamağı bacarırmış. Hətta "Mozalan"ın başlığında səslənən vızıltı səsi də ona məxsus olmuşdur.
Ceyhun Mirzəyevin son filmi "Fəryad" olmuşdur.
Özü bu filmini görə bilmədi. Amansız ölüm ona imkan vermədi ki, heç olmasa filmin premyerasında iştirak etsin. Studiyada çəkiliş vaxtı özünü pis his edən Ceyhun evə güclə çatdırıldı. Ceyhun Mirzəyev 05 mart 1993 - cü ildə 46 yaşında ürək tutmasından Bakda vəfat etmiş, Yasamal qəbiristanlığında torpağa tapşırılmışdır.
Fəryad filmindəki şücaətinə görə "Bakılı" cəmiyyətinin "Humay" mükafatına layiq görülmuşdür. Ölümündən sonra Diplom və Priz verilmişdir.
Milis işçisi Cəmil Mirzəyevin oğludur.


İlham Əliyev

Oxşar xəbərlər
SON XƏBƏRLƏR