» » Tarixi Muzeyi Rusiya Dövlət Ermitajına etiraz məktubu göndərib

Tarixi Muzeyi Rusiya Dövlət Ermitajına etiraz məktubu göndərib

Tarixi Muzeyi Rusiya Dövlət Ermitajına etiraz məktubu göndərib Sentyabrın 22-də AMEA Milli Azərbaycan Tarixi Muzeyinin Elmi Şurasının iclası keçirilib.
Muzeydən verilən məlumata görə, iclasda Rusiya Dövlət Ermitajında 26-29 sentyabr tarixlərində keçiriləcək II Beynəlxalq Şərq numizmatikası konfransının proqramına A.Akopyanın və P.Petrovun “Şərqi Ermənistan xanlıqlarında (İrəvan, Naxçıvan, Qarabağ, Gəncə) sikkə işi (1747-1827)” adlı məruzəsinin daxil edilməsi ilə bağlı Ermitajın direktoru M.B.Piotrovskiyə və konfransın təşkilat komitəsinə müraciət qəbul olunub.
Müraciətdə əsassız iddialara söykənən məruzə müəlliflərinin əzəli Azərbaycan torpaqlarını qondarma “Şərqi Ermənistan” adı altında təqdim etməsinə etiraz bildirilib.
Sənəddə qeyd olunub ki, bu cür iddialar tarixi həqiqətə, ilk mənbələrə ziddir və növbəti erməni təxribatının bariz nümunəsidir. Müraciətdə Elmi Şuranın üzvləri A.Akopyanın və P.Petrovun məruzəsinin konfransın proqramından çıxarılmasını tələb ediblər.
Oxşar xəbərlər
«    Yanvar 2018    »
BeÇaÇCaCŞB
1234567
891011121314
15161718192021
22232425262728
293031