» » "Samsung Galaxy S8" və "Galaxy S8+" modelləri təqdim olunub

"Samsung Galaxy S8" və "Galaxy S8+" modelləri təqdim olunub

“Samsung”un Bakı nümayəndəliyinin “Boulevard Hotel Baku”da “Galaxy S8” və “Galaxy S8+” smartfonlarının təqdimatı keçirilib.

5 may tarixindən rəsmi satışa çıxarılacaq mobil telefonların qiyməti “Galaxy S8” - 1599, “Galaxy S8+” - 1799 manat olacaq.

“İrshad Electronics” şirkətinin satışa nəzarət şöbəsinin rəhbəri Ariz Şıxəliyev bildirib ki, şirkət rəsmi distributor olaraq “Samsung”un məhsullarının Azərbaycandan topdan satışını təmin etsin deyə bir neçə ay bundan öncə “Samsung Electronics”lə birgə müqavilə imzalayıb.

“Samsung” “Galaxy S8” və “Galaxy S8+” smartfonlarına sahib olmağın iki fərqli yolu var. Belə ki, artıq mobil telefonları öncədən də sifariş etmək mümkündür. “Samsung Electronics”in rəsmi tərəfdaşları olan “Baku Electronics”, “İrshad Telecom”, “Kontakt Home” və “Soliton” şəbəkələrinin satış nöqtələrində, smartfonu daha tez əldə etmək üçün 50 manat ödəyirsiniz (bu vəsait smartfonun ümumi məbləğindən çıxılır) və bir sıra üstünlüklər əldə edirsiniz.

Belə ki, rəsmi satışdan bir həftə əvvəl siz smartfona aprelin 29-dan sahib olacaqsınız. Amma təkcə bu deyil. Əlavə olaraq 64 Gb-a daxili yaddaşa malik smartfonla yanaşı əlavə olaraq 128 Gb həcmində “Samsung MicroSD” kartı hədiyyə də verilir. Kampaniya aprelin 28-dək davam edəcək, smartfonların sayı isə məhduddur.

Təqdimat zamanı bildirib ki, smartfonlar hazırlanan zaman dünyada ilk dəfə olaraq 10 nm prosessordan istifadə olunub ki, bu da smartfonu sürətli və güclü edir.

“Galaxy S8” və “Galaxy S8+” smartfonları yüksək təhlükəsizlik xüsusiyyətlərinə malikdir. Belə ki, mobil telefonların göz skaneri (IRIS Scanner) ilə yanaşı, həm də barmaq izi skaneri və üz tanıma kimi təhlükəsizlik üsulları mövcuddur ki, bu da istifadəçilərin məlumatlarının təhlükəsizliyinin mükəmməl qorunması deməkdir. Smartfonun əsas kamerası Dual Pixel və Multi Frame texnologiyasına malikdir. Bu isə o deməkdir ki, kamera hərəkətdə olan və zəif işıqlanan obyektlərin bir neçə şəkilini çəkir, vahid bir şəklə birləşdirir, nəticədə şəkillər aydın və parlaq alınır. Həmçinin ön kamera avtofokusla təchiz olunub. Bundan başqa, “Galaxy S8” və “Galaxy S8+” həm də yeni, iki xətli, yüksək keyfiyyətli AKG qulaqcıqları ilə təmin edilib.

Bundan başqa, smartfonlar su və tozdan İP68 standartı ilə qorunur (30 dəqiqə ərzində, şirin suda, 1,5 m dərinliyində).
Oxşar xəbərlər
Aygün Məmmədova: "Mənim ikinci həyat yoldaşımdır"
Aygün Məmmədova:
Sənət İlahi işarədir. Sənətin gücü var. Bir də sənət sahibləri var. O sənət sahibləri ki, sənətinin dəyərini bilir, onun üzərində Читать далее
"DJB.az" saytının rəhbəri Prezidenti təbrik etdi
Bu gün Azərbaycana Heydər Əliyev yolunun layiqli davamçısı İlham Əliyev başçılıq edir. Heydər Əliyev siyasəti Azərbaycanda Читать далее
Təbrik edirəm Cənab Prezident!
Təbrik edirəm Cənab Prezident!
İlham Əliyev yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və Читать далее
«    Aprel 2018    »
BeÇaÇCaCŞB
 1
2345678
9101112131415
16171819202122
23242526272829
30