dini radikalizm və ekstremizmlə mübarizə

Əmək bazarına qayıtmaq üçün zəruri bacarıqlar aşılayan kurslara başlanacaq

Baxış Sayı:56

Əmək bazarına qayıtmaq üçün zəruri bacarıqlar aşılayan kurslara başlanacaq

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi, BMT-nin İnkişaf Proqramı və dünyanın aparıcı onlayn tədris sistemi “Coursera”nın iş birliyi çərçivəsində “İşçi Qüvvəsinin Bərpası Təşəbbüsü” üzrə üç aylıq kurslara başlanacaq.

Nazirlikdən APA-ya verilən məlumata görə, “Coursera”ya məxsus bu təşəbbüs hökümətlərin məşğullluq tədbirlərinə dəstək məqsədi daşıyır. İşini itirmiş şəxslər yenidən əmək bazarına daxil olmaq üçün lazımi öz bilik və bacarıqlarını artırmaq məqsədilə bu kurslara müraciət edə bilərlər.

Onlayn platformada təşkil olunacaq kurslar vasitəsilə iştirakçılar əldə etmək istədikləri bilik və bacarıqlara uyğun olaraq dünyanın tanınmış universitetləri və təşkilatları tərəfindən hazırlanmış 4000-ə qədər təlim proqramından ödənişsiz formada istifadə edə biləcəklər. Kurslar ixtisas təlimləri ilə yanaşı, müxtəlif dil biliklərinin artırılması, informasiya texnologiyaları və digər proqramları da əhatə edir.

İştirakçılara həmçinin türk dilində 400-dək, rus dilində 60-dək, habelə ingilis və başqa dillərdə olan kurslardan faydalanmaq imkanı da veriləcək. Proqramı uğurla başa vuran iştirakçılar beynəlxalq seritifikatla da təmin ediləcəklər.

Təlimlərdə iştirak etmək istəyən şəxslər https://forms.gle/bJ4uBBB8fNPFeYyc9 keçidinə daxil olaraq “İşçi Qüvvəsinin Bərpası Təşəbbüsü – Coursera” seçməklə, qeydiyyatdan keçə bilərlər. Qeydiyyatdan keçmiş şəxslərə “Coursera” sistemi tərəfindən qeydiyyatını tamamlamaq üçün dəvətnamə gələcək. Son qeydiyyat tarixi 30 oktyabrdır.

Oxşar xəbərlər
SON XƏBƏRLƏR