» » Azərbaycandakı sığorta şirkətlərinin bu il topladıqları sığorta haqları 12% azalıb

Azərbaycandakı sığorta şirkətlərinin bu il topladıqları sığorta haqları 12% azalıb

Azərbaycandakı sığorta şirkətlərinin bu il topladıqları sığorta haqları 12% azalıb

Bu ilin yanvar-aprel aylarında Azərbaycanda fəaliyyət göstərən sığorta şirkətləri tərəfindən 265,3 mln. manat məbləğində sığorta haqları toplanıb, 66,7 mln. manat məbləğində sığorta ödənişləri həyata keçirilib. Ötən ilin analoji dövrü ilə müqayisədə toplanan sığorta haqlarının həcmi 12%, ödənişlərin həcmi isə 15% azalıb.

APA-nın Maliyyə Bazarlarına Nəzarət Palatasına (MBNP) istinadən verdiyi məlumat görə, könüllü sığorta bazarı üzrə haqlar 176,2 mln. manat, ödənişlər isə 43,4 mln. manat təşkil edib. İcbari sığorta bazarı üzrə haqlar 89,1 mln. manat, ödənişlər isə 23,3 mln. manat olub. Ötən ilin analoji dövrü ilə müqayisədə könüllü sığorta bazarı üzrə haqların həcmi 20,2%, ödənişlər isə 23,7% azalıb, icbari sığorta bazarı üzrə müvafiq olaraq 10,7%-lik artım və 7,9%-lik azalma qeydə alınıb.

Bu ilin yanvar-aprel aylarında sektor üzrə məcmu sığorta haqlarının 66%-i könüllü, 34%-i isə icbari sığorta növlərinin payına düşüb. Sığorta ödənişlərinin 65%-i könüllü, 35%-i icbari sığorta növləri hesabına formalaşıb.
Oxşar xəbərlər
«    Şubat 2020    »
PtSaÇaPrCuCtPz
 12
3456789
10111213141516
17181920212223
242526272829