Главная > idman > AVRO-2020: Türkiyə böyük hesabla qalib gəlib, Ronaldo pokerə imza atıb
AVRO-2020: Türkiyə böyük hesabla qalib gəlib, Ronaldo pokerə imza atıb11-09-2019, 09:37. Разместил: djbaz |
Bu gün AVRO-2020-nin seçmə mərhələsində VI tura yekun vurulub. APA-nın məlumatına görə, A, B və H qruplarında yeddi qarşılaşma keçirilib. A qrupunda İngiltərə Kosovo ilə görüşüb. 8 qolun vurulduğu matçda futbolun yaradıcıları 4-cü qələbəni qazanıblar. Səfərdə Monteneqro üzərində qələbə qazanan Çexiya 2-ci pilləyə yüksəlib. Portuqaliya millisi B qrupunda ikinci sıraya qalxıb. Kriştianu Ronaldonun pokerə imza atdığı matçda Litvanı darmadağın edən Avropa çempionları mövqelərini yaxşılaşdırıblar. Serbiya isə Lüksemburqdakı qələbə ilə üçüncü pilləyə yüksəlib. Qonşu Türkiyə yığmasının yer aldığı H qrupunda üç matç baş tutub. “Ay-ulduzlular” səfərdə Moldovanı darmadağınla məğlubiyyətə uğradıblar. Fransa isə Andorra ilə görüşdən qələbə ilə ayrılıb. Bu turadək qrup liderliyinə şəriklərdən olan İslandiya Albaniyada bərabərliklə kifayətlənib. Nəticədə türkiyəlilər liderliyə yüksəliblər. Qeyd edək ki, seçmə mərhələnin VII turu oktyabrın 10-12-də baş tutacaq. AVRO-2020-nin seçmə mərhələsi VI tur 10 sentyabr A qrupu 22:45. Monteneqro – Çexiya – 0:3 Souçek, 54, Masopust, 58, Darida, 90 (pen.) 22:45. İngiltərə - Kosovo – 5:3 Sterlinq, 8, Keyn, 19, Voyvoda, 38 (avtoqol), Sanço, 44, 45 – Berişa, 1, 49, Muriqi, 55 Вернуться назад |