Türkiyə kubokunda 1/4 final mərhələsi davam edir.
Apasport.az saytının məlumatına görə, bu gün daha bir oyun keçirilib.
18 dəfə turnirin qalibi olmaqla kuboku muzeyinə ən çox aparan komanda “Qalatasaray” son finalçı “Alanyaspor”la üz-üzə gəlib. Ötən mövsüm məhz 1/4 finalda “cim-bom”a qalib gələn alanyalılar eyni uğuru təkrarlayıb. “Türk Telekom Arena”dakı matçda 3:2 hesablı qələbə qazanan Çağdaş Atanın yetirmələri yenə mübarizəni davam etdiriblər. “Fənərbaxça”nın ardından isə “Qalatasaray” da kubokla vidalaşıb.
“Alanyaspor”un yarımfinal mərhələsindəki rəqibi fevralın 11-də keçiriləcək “Sivasspor” – “Antalyaspor” cütünün qalibi olacaq.
Qeyd edək ki, 1/4 final mərhələsinin “Konyaspor” – “Beşiktaş” matçı da sabah baş tutacaq. Mərhələnin ilk oyun günündə “Fənərbaxça”nı mübarizədən kənarlaşdıran “Başakşəhər” mərhələ adlayıb.
Türkiyə kuboku
Yarımfinal mərhələsi
10 fevral
“Qalatasaray” – “Alanyaspor” – 2:3
Mustafa, 83, Gedson Fernandes, 90+4 - Babakar, 31, 48 (pen.), Salih Uçan, 41
Oxunub: 2 252
