» » Fatih Terim 7 yerli futbolçunun transferini istəyib

Fatih Terim 7 yerli futbolçunun transferini istəyib

  • 30-04-2020, 08:34
  • idman
  • 160
Fatih Terim 7 yerli futbolçunun transferini istəyib

Koronavirus pandemiyası səbəbindən bir neçə əcnəbi futbolçusu ilə yollarını ayıracaq "Qalatasaray" gələn mövsümün planlarını cızır.

Baş məşqçi Fatih Terim heyəti yerli futbolçulardan qurmağa hazırlaşır.

Təcrübəli mütəxəssis rəhbərliklə görüşündə transfer siyahısını onlara çatdırıb. O, maddi durumu nəzərə alaraq, nisbətən az maaşa oynayan futbolçuların adlarını siyahısına əlavə edib. Xüsusən də, mövsümün sonunda azad agent statusu daşıyacaq oyunçulara üstünlük veriləcək.

Fatih Terim gələn mövsüm Oğulcan Çağlayan ("Çaykur Rizəspor"), Mərt Hakan Yandaş, Əmrə Kılınç, Ərdoğan Yeşilyurt (hamısı "Sivasspor"), Arda Turan ("Barselona"), Əmrə Çolak ("Deportivo") və Semih Kayanı ("Sparta") ixtiyarında görmək istəyir. Adıçəkilən futbolçuların hamısının klubu ilə sözləşməsi başa çatmaq üzrədir. Məhz bu amil "Qalatasaray"ın işini asanlaşdırır.

Qeyd edək ki, koronavirus pandemiyası səbəbindən dayandırılan Super Liqanın XXVI turundan sonra "Qalatasaray" 50 xalla turnir cədvəlinin 3-cü pilləsində qərarlaşır. //apasport.az
Oxşar xəbərlər
«    Mayıs 2020    »
PtSaÇaPrCuCtPz
 123
45678910
11121314151617
18192021222324
25262728293031