dini radikalizm və ekstremizmlə mübarizə

Azərbaycan millisinin baş məşqçisi: “Çətin olanı reallaşdırmağa çalışacağıq”

Azərbaycan millisinin baş məşqçisi: “Çətin olanı reallaşdırmağa çalışacağıq”

“Hər iki komanda sona qədər mübarizə apardı. Bir standart vəziyyət zamanı səhvə yol verdik və onlar bundan istifadə edib, hesabı açdılar”.

Apasport.az saytının məlumatına görə, bunu futzal üzrə Azərbaycan milli komandasının baş məşqçisi Joze Alesio Da Silva deyib.

Braziliyalı mütəxəssis DÇ-2020-nin elit-raund mərhələsinin ilk oyununda Xorvatiya yığması ilə görüşü şərh edib. O bildirib ki, 0:2 hesablı məğlubiyyətə baxmayaraq, yetirmələri pis təsir bağışlamayıblar: “Qarşılaşma göstərdi ki, həm Azərbaycan, həm də Xorvatiya milli komandaları bu turnir üçün yaxşı hazırlıq keçiblər. Oyun da maraqlı alındı. İkinci hissədə biz üstün tərəf idik. Rəqib əsasən oyunu “evdə” keçirdi. Epizodlar yaratdıq, amma realizə edə bilmədik. Nəticədə risk etməli olduq və qapıçını meydan oyunçusu ilə əvəzlədik. Yenə səhvə yol verdik və rəqibimiz boş qapıya qol vurmaqla hesabdakı üstünlüyünü artırdı. Ümumi götürsək, intizamlı oynadıq, pis təsir bağışlamadıq. Təbii ki, qələbə qazana bilməyəndə bu cür məqamlar gözə görünmür.
Qarşıda iki oyunumuz var. Şans hələ bitməyib. Razıyam, çətin olacaq. Ancaq daha yaxşı oynayıb, çətin olanı reallaşdırmağa çalışacağıq”.

Qeyd edək ki, millimiz qrupda növbəti oyununu yanvarın 30-da Rusiyaya qarşı keçirəcək.

Oxunub: 528
Oxşar xəbərlər
SON XƏBƏRLƏR