Türkiyə Super Liqasının IV turunun “Qalatasaray” – “Kasımpaşa” oyunu meydan sahibləri üçün xoşagəlməz hadisə ilə əlamətdar olub.
APA-nın məlumatına görə, İstanbul klubunun İngiltərə təmsilçisi “Sauthempton”dan icarəyə götürdüyü Mario Lemina 30-cu dəqiqədə zədələnib.
Matçı davam etdirə bilməyən qabonlu mərkəz yarımmüdafiəçisi əvəzlənib. Onun yerinə meydana Ömər Bayram daxil olub.
“Sarı-qırmızılar”ın heyətindəki debüt qarşılaşmasını erkən başa vuran M.Lemina görüşdən sonra sosial şəbəkədə azarkeşlərə müraciət edib. O, narahatçılıq üçün əsas olmadığını, zədəsinin ciddi xarakter daşımadığını açıqlayıb.
Oxunub: 537