Türkiyənin “Qalatasaray” klubu heyətinə daha bir futbolçu qatıb.
APA-nın məlumatına görə, istanbullular İngiltərənin “Brayton” klubunun futbolçusu Florin Andone ilə güclənib.
Rumıniyalı futbolçu icarə əsasında “sarı-qırmızılar”ın heyətində çıxış edəcək. Onun bir mövsümlük icarəsi üçün “Brayton”a 700 min avro ödəniləcək. Futbolçunun özü isə bu müddətdə 2,5 milyon avro qazanacaq.
Qeyd edək ki, Ruminiya millisinin 26 yaşlı hücumçusu “Brayton”a qədər İspaniyada “Kastelyon”, “Vilyarreal”, ”Kordoba” və “Deportivo” kimi klublarda çıxış edib.
Oxunub: 626
