“Formula-1” üzrə Çin Qran-Prisində sərbəst yürüşlərə start verilib.
ONA-nın məlumatına görə, Şanxay trasında baş tutan ilk yürüşdə “Ferrari”nin pilotu Sebastyan Fettel qalib gəlib.
O, dövrəni 1 dəqiqə 33,914 saniyəyə qət edib. S.Fettel “Mersedes”dən olan rəqibi Lüis Hamiltonu 0,207 saniyə üstələyib. 3-cü yeri isə “Ferrari”nin digər pilotu Şarl Lekler tutub. O, liderdən 0,256 saniyə geri qalıb.
Qeyd edək ki, yarışda 10 komandanın 20 pilotu mübarizə aparıb.
