dini radikalizm və ekstremizmlə mübarizə

Azərbaycan Badmintonçuları birinci yerə çıxdılar

Badmintonçularımız Edi Reski Dviçayo və Ezmi Qovimuramadhoni Zambiyanın paytaxtı Lusakada keçirilən "Zambia International 2018" turnirində uğurlu çıxışla yadda qalıb.

Djb.az “Trend”ə istinadən xəbər verir ki, badmintonçularımızdan Edi Reski Dviçayo 1/16 finalda Kalonde Şarlesə 2:0 (21-11, 21-7) hesabı ilə qalib gəlib. Dviçayo ardınca uqandalı Fred Kirabo üzərində 2:0 (21-10, 21-8) hesablı qələbə qazanıb. 1/4 finalda Nigeriya badmintonçusu Qodvin Olofuanı 2:0 (21-3, 21-15) hesabı ilə məğlub edən Edi yarımfinala yüksəlib. Dviçayo 1/2 finalda Lüksemburq təmsilçisi Robert Manna da set vermədən qalib gəlib - 2:0 (21-10, 21-12). Badmintonçumuz həlledici görüşdə nigeriyalı Anuoluvapo Juvon Opeyor üzərində 2:0 (21-11,21-10) hesablı qalibiyyət əldə etməklə, kişilərin şəxsi yarışında "Zambia International 2018" turnirinin qalibi adını qazanıb.

Digər badmintonçumuz Ezmi Qovimuramadhoni də 1/4 finala kimi rəqiblərinə set vermədən irəliləyib. Qovimuramadhoni 1/16 finalda Botsvana ardınca Zambiya təmsilçilərinə 2:0 hesabı ilə qalib gəlib. Ezmi 1/4 finalda İordaniya badmintonçusu Bahaedin Əhməd Əlşannikə 1:2 (18-21, 21-12, 18-21) hesabı ilə uduzub.

Kişilərin qoşa yarışında da turnirin qalibi adını badmintonçularımız qazanıb. Mübarizəyə 1/8 finaldan qoşulan Edi - Ezmi tandemi bu mərhələdə zambiyalı Dalitso Banda - Rodrik Mulenqa Mvansa cütünə 2:0 (21-9,21-14) hesabı ilə qalib gəlib. Badmintonçularımız uğurlu başlanğıcın davamını Zambiya badmintonçuları Çepus Banda - Endryu Mumba ilə görüşdə də gətirib. 2:0 (21-6, 21-8). Yarımfinalda zambiyalı Nqosa Çonqo - Çizva Nakanda tandeminə 2:0 (21-6, 21-13) hesabı ilə qalib gələn Edi və Ezmi finalda nigeriyalı Qodvin Olofua - Anuoluvapo Juvon Opeyori üzərində 2:1 (21-19, 18-21, 21-11) hesablı qələbə qazanmaqla kişilərin qoşa yarışında birinci olub.

Oxunub: 738
Oxşar xəbərlər
SON XƏBƏRLƏR