Azərbaycan Premyer Liqasında mövsümün ikinci yarısının 4 turu arxada qalıb.
Milli.Az apasport.az-a istinadən xəbər verir ki, çempionatın 2018-ci ilə aid hissəsinin ən yaxşısı "Sumqayıt"dı.
Samir Abasovun yetirmələri "Qarabağ" kimi 8 xal qazansa da, top fərqində ağdamlıları arxada qoyur. Bu iki komanda qış fasiləsindən sonra məğlubiyyət acısı yaşamayıb.
Uğursuz mövsüm keçirən paytaxt təmsilçiləri "Neftçi" və "Keşlə" 2018-ci ilin ən yaxşılarından cəmi 1 xal geri qalır. Medallara iddialı "Qəbələ" və "Zirə" mövsümün ikinci yarısına uğurla başlamayıb. Sonuncular ümumiyyətlə ilin ən zəif komandasıdı. Ayxan Abbasovun yetirmələri fasilədən sonra qələbə qazana bilməyib.
Qeyd edək ki, bu il baş tutan 16 qarşılaşmada 32 qol vurulub və orta məhsuldarlıq 2-yə bərabərdi.
Oxunub: 896
