İtaliyanın "Torino" klubu baş məşqçi Sinişa Mixayloviçi istefaya göndərib.
APA-nın xəbərinə görə, bu barədə “Football Italia” xəbər verib.
48 yaşlı serbiyalı mütəxəssis 2016-cı ildən kluba rəhbərlik edirdi.
Ötən axşam “Torino” İtaliya Kubokunun ¼ final matçında “Yuventus”a 0:2 hesabı ilə məğlub olaraq turnirlə vidalaşıb. Son 17 rəsmi görüşdə “Torino” cəmi 3 qələbə qazanaraq İtaliya çempionatında 10-cu pillədə qərarlaşıb.
S.Mixayloviç müxtəlif illərdə "Sampdoriya", "Fiorentina", "Kataniya", “Bolonya” klublarına və Serbiya yığmasına rəhbərlik edib.
