Bakıda dələduzluqda təqsirləndirilən Adjalov Rasim İbrahim oğlunun cinayət işi üzrə ibtidai istintaq başa çatıb.
APA-nın məlumatına görə, təqsirləndirilən şəxs barəsində cinayət işinin materialları baxılması üçün Səbail rayon Məhkəməsinə göndərilib.
Cinayət işi hakim Anar Tanrıverdiyevin icraatına verilib. Məhkəmənin hazırlıq iclasının vaxtı açıqlanmayıb.
Qeyd edək ki, Rasim Adjalovun cinayət işində 40 nəfər zərərçəkmiş kimi tanınıb. Ona Cinayət Məcəlləsinin 178.2.2-ci (dələduzluq, eyni əməllər təkrar törədildikdə) maddəsi ilə ittiham verilib.
Oxunub: 495
