Şəmkirdə piyadanın vurulması ilə nəticələn ağır yol qəzası baş verib.
Djb.az-in ONA-ya istinadən məlumatına gorə, hadisə Bakı-Qazax avtomagisral yolunun rayonun ərazisindən keçən hissəsində qeydə alınıb.
Belə ki, rayon sakini 64 yaşlı Qələndər Əliyevi yolu keçmək istəyərkən naməlum avtomobil tərəfindən vurulub. Sürücü hadisə yerindən qaçıb. Yaralı dərhal xəstəxanaya yerləşdirlib. Onun vəziyyətinin ağır olduğu bildirilir.
Hadisəni törədən sürücünün şəxsiyyətinin müəyyənləşdirilməsi istiqamətində əməliyyat axtarışlarına başlanılıb.
