Bakıda tanışını bıçaqlamaqda təqsirləndirilən Mirqələm Tağıyev barəsindəki hökmdən narazı qalıb.
“Qafqazinfo”nun verdiyi xəbərə görə, 2017-ci il iyun 23-də Cəlilabad rayon sakini, 24 yaşlı M.Tağıyev Binə qəsəbəsində tanışı Alik Əhmədovu bıçaqlayıb.
O deyib ki, Alik içkili olduğu üçün səbəbsiz yerə söyüş söyüb, qarşılığında da belə cəzalanıb.
A.Əhmədov isə artıq ondan şikayətçi olmadığını bildirib.
Bakı Ağır Cinayətlər Məhkəməsinin hökmü ilə M.Tağıyev 7 il müddətinə azadlıqdan məhrum edilib. O, hökmdən apellyasiya şikayəti verib. İş Bakı Apellyasiya Məhkəməsinin hakimi Qail Məmmədovun icraatımda verilib. Proses yanvarın 9-da başlayacaq.
