Главная > Gundem > Hərbçilərin Dünya Oyunlarında Azərbaycan ilk medallarını qazanıb
Hərbçilərin Dünya Oyunlarında Azərbaycan ilk medallarını qazanıb21-10-2019, 10:16. Разместил: djbaz |
Çinin Uxan şəhərində keçirilən Hərbçilərin VII Dünya Oyunları yarışları davam edir. Müdafiə Nazirliyinin mətbuat xidmətindən verilən məlumata görə, oktyabrın 20-də cüdo komandamızın üzvləri Hidayət Heydərov (-81 kq) və Məmmədəli Mehdiyev (-90 kq) uğurla çıxış edərək yarışın bürünc medallarına layiq görülüb. Qeyd edək ki, komandamıza ilk bürünc medalı Hidayət Heydərov qazandırıb. Digər təmsilçimiz Elmar Qasımov (-100 kq) ilk görüşündə Çili idmançısı Oskar Alarkona ipponla qalib gəlib. Lakin 1/4 final mərhələsində fransız Oliver Sedrikə məğlub olaraq, təsəlliverici görüşlərdə mübarizəni davam etdirəcək. Boks yarışındakı təmsilçimiz Sərxan Əliyev (60-64 kq) ilk görüşündə Şri-Lanka idmançısı Racakaruna Bandaraya 5:0 hesabı ilə qalib gəlib. Sərxan Əliyev növbəti görüşünü oktyabrın 21-də braziliyalı Olivyera Vandersona qarşı keçirəcək. Вернуться назад |