Kimlər gəlib, kimlər keçdi bu dünyadan, bu dünyadan.
Saysız hesabaız igidləri var mənim xalqımın. Amma acınacaqlısı odur ki biz onları yalnız ölümündən sonra tanıyırıq. Hərbiçilər haqqında sağlığında məlumat vermək olmaz, nə də yazıb tanıtmaq olmaz. Biz qəhrəmanlarımızı yalnız ölümündən sonra tanımaqla o qədər kaşkilər söyləyirik.
Çox təssüf ki, İlqar Mirzəyev də beləcə gec tanıdığımız amma qürurla anacağımız igidlərimizdən biridir. Həyatlarını səngərlərdə keçirən övladlarının belə böyüməsini yetərincə görməyən, bayramları əsgərləri ilə qeyd edən hələ nə qədər tanımadığımız igidlərimiz var, bilirikmi?
İndi isə polkovnik İlqar Anzor oğlu Mirzəyev haqqında qısa arayışı oxucularımıza təqdim edirik.
İlqar Mirzəyev 08.05.1973-cü ildə Gürcüstanın Borçalı mahalının Qardabani rayonunda anadan olub. Saqaredjo rayonunun Qambori kəndindəndir.
1980-1991-ci illərdə Qardabanidə orta məktəbdə oxuyub.
1991-1995-ci illərdə Azərbaycanda hərbi məktəbdə təhsil alıb.
2003-2005-ci illərdə Hərbi Akademyada oxuyub.
2018-ci ildə İ.Mirzəyev'ə Polkovnik rütbəsi verilib.
14.07.2020-ildə Tovuz istiqamətində gedən döyüşlərdə ŞƏHİD olub və 2-ci fəxri xiyabanda torpağa tapşırıldı.
Allah rəhmət eləsin.
Almaz İlahə
Oxunub: 2 027
