21 noyabr 2018-ci il tarixdə Yeni Azərbaycan Partiyasının yaradılmasının 26-cı ildönümü münasibəti ilə YAP Mingəçevir şəhər təşkilatı, şəhər İcra Hakimiyyəti ilə birgə YAP şəhər təşkilatının akt zalında yığıncaq keçirdi.
Yığıncağı giriş sözü ilə açan YAP Mingəçevir şəhər təşkilatının sədri Cavanşir Yusubov yığıncaq iştirakçılarını salamladıqdan sonra, YAP-nın yaranma tarixi, inkişaf mərhələləri və ictimai-siyasi həyatında Ulu Öndər Heydər Əliyevin müstəsna rolundan danışaraq, Prezidentimiz, YAP-nın sədri cənab İlham Əliyevin rəhbərliyi ilə ölkəmizdə müxtəlif sahələrdə həyata keçirilən islahatlardan və dövlətimizin dinamik inkişafa nail olduğundan bəhs etdi.
Mingəçevir şəhər İcra Hakimiyyətinin başçısının səlahiyyətlərini icra edən, I müavin İlham İsmayılov çıxış edərək, YAP-nın yaranmasını zəruri edən səbəblər və tarixi şəraitlə bağlı əsas məqamları qeyd etdi. Keçən 26 il ərzində Azərbaycanı uğurlu gələcəyə aparan YAP-nın və onun lideri Cənab İlham Əliyevin ardıcıl, uğurlu fəaliyyəti barədə danışaraq, məhz İlham Əliyevin məqsədyönlü siyasətinin nəticəsi olaraq Azərbaycanın dinamik tərəqqisini və ölkə başçısının şəhərimizə xüsusi diqqət və qayğısının nəticəsi olaraq, Mingəçevirdə aparılan quruculuq, abadlıq işlərindən və bu işlərdə partiya üzvlərinin fəallığından bəhs edərək, bu bayram günü münasibəti ilə yığıncaq iştirakçılarını təbrik etdi. Daha sonra YAP şəhər təşkilatının 38 saylı ərazi ilk partiya təşkilatının sədri, Mingəçevir Turizm Kollecinin direktoru Əyyub Əyyubov mövzu ətrafında çıxış edərək rəhbərlik etdiyi kollektiv adından bütün partiya üzvlərini təbrik etdi.
Sonda partiya sıralarına yeni qəbul olunmuş bir neçə partiya üzvünə partiya vəsiqələri təqdim edildi.
Oxunub: 835
