» » DJB.AZ MƏDƏT QULİYEVİ TƏBRİK EDİR

DJB.AZ MƏDƏT QULİYEVİ TƏBRİK EDİR

  • 27-09-2018, 11:09
  • Gundem
  • 304
DJB.AZ MƏDƏT QULİYEVİ TƏBRİK EDİR
Azərbaycanın Milli Qəhrəmanı, Azərbaycan Respublikasının Dövlət Təhlükəsizliyi Xidmətinin rəisi, general - polkovmik, 3 və 2 - ci dərəcəli “Vətənə xidmətə görə” ordeni ilə təltif edilmiş Mədət Quliyevin 60 illki yubileyidir!

Mədət Qəzənfər oğlu Quliyev 27 sentyabr 1958 - ci ildə Gəncə şəhərində ziyalı ailəsində anadan olmuşdur. Atası Qəzənfər Quliyev mühəndis, anası Zambaq Quliyeva isə dil - ədəbiyyat müəlliməsidir. 1965 - ci ildə Gəncədə yerləşən 1 saylı orta məktəbə daxil olub, 1975 - ci ildə 8 saylı orta məktəbi bitirib. 1980 - ci ildə Azərbaycan Dövlət Bədən Tərbiyəsi İnstitutunu bitirib.
Mədət Quliyev 1971 - ci ildən müntəzəm olaraq idmanla məşğul olurdu. O, 1976 - 1980 - ci illərdə Azərbaycan yığma komandasının tərkibində müxtəlif turnirlərdə iştirak edib. O, dəfələrlə yeniyetmələr arasında sambo üzrə müxtəlif turnirlərin iştirakçısı olub, SSRi yarışlarında çempion olub. Lvovda, Alma - Atada qələbələr qazanıb. 160 - dan artıq fəxri fərmanlarla və mükafatlarla təltif olunub. Güclü idmançı olan Mədət Quliyev dəfələrlə respublika çempionu olmaqla yanaşı, hətta Azərbaycanın bayrağını xarici ölkələrdə də ucaltmağa nail olub. 1979 - cu ildə idmanın cüdo növü üzrə SSRİ idman ustası normasını yerinə yetirib. Karate üzrə isə üçüncü dan qara kəmər alıb.
1980 - 1982 - ci illərdə Sovet Ordusu sıralarında hərbi xidmətə çağırılır, bir müddət Ermənistanda, sonra isə Gürcüstanda həqiqi hərbi xidmət keçmişdir. 1982 - ci ildə ordudan tərxis olunaraq Gəncənin "Dinamo" Cəmiyyətində təlimatçı işləyib, sonra Gəncə şəhər Daxili İşlər İdarəsinin komsomol təşkilatının katibi olmuşdur. 1983 - cü ildən daxili işlər orqanlarında xidmət etmişdir.
1992 - 1994 - cü illərdə Terrorizim və Banditizmlə mübarizə şöbəsinin rəisi işləyib. O, 10 dekabr 1993 - cü ildə cinayətkar qrupun zərərsizləşdirilməsi zamanı ağır güllə yarası alsa da, mövqeyindən geri çəkilməyərək cinayətkarların məhv edilməsinə nail olur.
1994 - 1995 - ci illərdə DİN - İdarəsinin Yevlax - Qazax Regional Şöbəsinin rəisi, 1995 - 1996 - cı illərdə DİN - nin Baş Mütəşəkkil Cinayətkarlıqla Mübarizə İdarəsinin Reketlə mübarizə şöbəsinin rəisi vəzifəsinə yüksəlib. Mədət Quliyevin rəhbərliyi altında keçirilən uğurlu əməliyyatlar nəticəsində respublikada fəaliyyət göstərən bir sıra reket qrupları və axtarışda olan qatı cinayətkar dəstələri zərərsizləşdirilib. 1997 - ci ildə DİN - in Polis Akademiyasını bitirmişdir. 1996 - 2001 - ci illərdə Azərbaycan Respublikası DİN - in Baş Mütəşəkkil Cinayətkarlıqla Mübarizə İdarəsinin rəis müavini, 2001 - 2002 - ci illərdə həmin İdarənin rəisi, 2002 - 2004 - cü illərdə DİN - nin Baş Narkotiklərlə Mübarizə İdarəsinin rəisi, 2004 - 2006 - cı illərdə Azərbaycan Respublikasında İnterpolun Milli Mərkəzi Bürosunun rəisi, 2006 - 2011 - ci illərdə DİN - in Baş Mühafizə İdarəsinin rəisi, 2011 - 2015 - ci illərdə Ədliyyə Nazirinin müavini, Penitensiar xidmətin rəisi, 2015 - ci ilin oktyabr - dekabr aylarında isə Azərbaycan Respublikası Milli Təhlükəsizlik Nazirinin birinci müavini vəzifələrində çalışmışdır.
Azərbaycan Respublikası Prezidentinin 30 iyun 2005 - ci il tarixli 866 nömrəli sərəncamı ilə ona polis general - mayoru rütbəsi, 20 noyabr 2012 - ci il tarixli sərəncamı ilə ədliyyə general - leytenantı ali xüsusi rütbəsi, 21 oktyabr 2015 - ci il tarixli sərəncamı ilə general - leytenant, hərbi rütbəsi, 26 sentyabr 2018 - ci ildə isə general - polkovnik ali hərbi rütbəsi verilmişdir. Azərbaycan Respublikasının Konstitutsiya dövlət quruluşunun müdafiəsində cinayətkarlıqla amansız mübarizədə, dövlətlərarası axtarışda olan residivist cinayətkarların saxlanılmasında və zərərsizləşdirilməsində şəxsən iştirakına, transmilli cinayətkarlığa qarşı mübarizədə xüsusi xidmətlərinə görə mükafatlara layiq görülmüşdür.
Azərbaycan Respublikası Prezidentinin 14 dekabr 2015 - ci il tarixli sərəncamı ilə Azərbaycan Respublikasının Dövlət Təhlükəsizliyi Xidməti rəisi təyin edilib.
Ailəlidir. İki övladı var.
Azərbaycan Respublikası Prezidentinin 26 dekabr 1995 - ci il tarixli fərmanı ilə polis polkovniki Quliyev Mədət Qəzənfər oğluna Azərbaycanın Milli Qəhrəmanı fəxri adı verilir.
Azərbaycan Respublikası Prezidentinin 26 noyabr 2014 - cü il tarixli sərəncamı ilə 3 - cü dərəcəli “Vətənə xidmətə görə”, Azərbaycan Respublikası Prezidentinin 26 mart 2018 - ci il tarixli sərəncamı ilə 2 - ci dərəcəli "Vətənə xidmətə görə" ordenləri ilə təltif edilmişdir.

P.S. Cənab general leytenant, sizi general polkovnik rütbəsi almanız və anadan olmağınızın 60 illik yubleyi münasibəti ilə səmimi qəlbdən təbrik edirəm, sizə ən başlıcası can sağlığı, uzun ömür, işlərinizdə müvəffəqiyyətlər, şəxsi həyatınızda ailə xoşbəxtliyi arzulayıram.
Dövlət və dövlətçiliyimizin qorunmasında əvəzsiz əməyiniz olduğu göz önündədir.
Allah sizləri və dövlətçiliyin qorunmasında xidməti olan komandanızı qorusun.
Sizi öz adımdan və rəhbərlik etdiyim Djb.az xəbərlər və informasiya portalının əməkdaşları adından təbrik edirəm.Uğurlarınız bol olsun DTX-nin qəhrəmanları.

Almaz İlahə Əhmədova
Təsisçi
Oxşar xəbərlər
İnsanlığa qarşı zorakılıq
İnsanlığa qarşı zorakılıq
Müharibənin acı xatirələri canlı şahidlərin gözü ilə Dünyanın abad və gözəlliyini bərbad edən müharibələr olmasaydı, bütün Читать далее
«    Ekim 2018    »
PtSaÇrPrCuCtPz
1234567
891011121314
15161718192021
22232425262728
293031