Adil Əliyev 20 saylı Nərimanov ikinci seçki dairəsində yerləşən 36, 47, 34, 200, 258, 207 nömrəli məktəblərdə bu il birinci sinifə gedəcək şagirdlərlə, on birinci sinifi bitirib yüksək balla ali məktəbə qəbul olub tələbə adı qazanan şagirdlərlə, valideynlərlə görüşdə oldu. Hər il məktəblilərlə ənənəvi görüşlər keçirən millət vəkili Adil Əliyev sosial şəbəkədə dostlarına etiraf edib ki, bu dəfəki görüş daha da maraqlı olub. Onların fikir və arzularını dinləmək xoş olduğunu bildirən Adil müəllim öz çıxışında bildirmişdir ki,
bu gün ölkəmizə savadlı mütəxəssislər lazımdır. Bütün cəmiyyətlərin inkişafı elmdən, təhsildən keçdiyini bildirən Adil Əliyev tələbə adı qazanan şagirdlərin üzərinə böyük məsuliyyət düşdüyünü vurğulamışdır. O, Vətənimizi məsuliyyətli, savadlı, vətənpərvər mütəxəssislərlə irəliyə apara bilərik demişdir. Adil müəllim
onların hər birinə uğurlar arzuladıqdan sonra səbəbkarlara öz hədiyyələrini təqdim etmişdir.
Almaz İlahə
Təsisçi
