"Xahiş edirəm ayıq-sayıq olun. Müharibə ya avqustda, ya da sentyabda başlaya bilər".
Ordu.az xəbər verir ki, bu barədə "Helsinki təşəbbüsü-92"nin Dağlıq Qarabağ komitəsinin koordinatoru Karen Ohancanyan özünün “Facebook” səhifəsində yazıb.
Onun sözlərinə görə, cəbhədə baş verənlər, avqust və ya sentyabr ayında ehtimal olunan geniş miqyaslı əməliyyatlara hazırlıqdır.
"Ermənistan ordusunun 1 aylıq hərbi büdcəsinə bərabər, gündəlik milyonlarla dollar xərc çəkməsi, yalnız düşmənə güc nümayişi məqsədi daşımır. Əhali içərisində vahimə yaratmaq istəmirəm. Sadəcə hamıdan xahiş edirəm ki, ayıq-sayıq olsunlar. Müharibə ya avqustda, ya da sentyabrda başlaya bilər", - deyə o bildirib.
