Bilməzdin dünyanın dönük çağı var,
Bilməzdin qan tökən düşmən, yağı var.
Artıq ürəyində oğul dağı var,
Mərd çəkdin, yenə də mərd çək bu yası-
Başını uca tut,şəhid anası!
Dəyərli dostlar, fevralın 4-də Azərbaycanın Milli Qəhrəmanı,şəhid soydaşımız Asif(Fred) Məhərrəmovun anası Məhluqə Cahangir qızının 85 yaşı tamam oldu. Məhluqə xala mərhum ömür-gün yoldaşı Yusif əmi ilə birgə 5 oğul, 6 qızı böyüdüb, boya-başa çatdırıb.5 oğuldan erməni terrorçuları ilə döyüş zamanı 1-i şəhid olub, 3-ü isə qanlı savaş meydanında yaralanıb.Məhluqə ananın 28 nəvəsi var.
Uzun müddətdi ağır xəstə olan Məhluqə ananın qarşısında baş əyirik.Baş əyirik ona görə ki, O, müstəqil Azərbaycan Respublikası üçün Fred Asif, Hacı Ədalət, Səxavət, Qara... kimi övladlar yetişdirib.
Hörmətlə,
Şamil Sabiroğlu,
"Xocalı Soyqırımını Tanıtma" ictimai birliyinin sədri
