Главная > dunya > Suriyada həftə ərzində 146 dinc sakin öldürülüb
Suriyada həftə ərzində 146 dinc sakin öldürülüb4-03-2018, 16:06. Разместил: djbaz |
BMT Təhlükəsizlik Şurasının qətnaməsinə baxmayaraq Suriyada qanlı döyüşlərin ardı-arası kəsilmir. Djb.az xarici mətbuata istinadən xəbər verir ki, fevralın 25-dən martın 3-dək davam edən döyüşlərdə və hava zərbələrində 146 dinc sakin həlak olub. Suriyanın İnsan Haqları Şəbəkəsinin məlumatına görə, onlardan 38-i uşaqlar və 21-i qadınlardır. Bəşşar Əsədə məxsus silahlı qüvvələrin hücumları və atəşləri nəticəsində 114 nəfər ölüb. Onlardan 22-i uşaq, 16-ı qadındır. Daha 5 dinc sakin isə Rusiya Silahlı Qüvvələrinin hava zərbələri nəticəsində öldürülüb. ABŞ-ın rəhbərlik etdiyi beynəlxalq koalisiyanın hərbi hava qüvvələrinin endirdiyi zərbələr nəticəsində 16 suriyalı həlak olub. Onlardan 10-u uşaqlardır. Son həftə ərzində İŞİD terrorçuları 5 dinc sakinin həyatına son qoyublar. Onlardan 4-ü uşaqdır. Öldürülmüş daha 6 nəfərin kimliyi məlum deyil. Onlardan 2-inin uşaq olduğu deyilir. Вернуться назад |