Britaniya kraliçası II Yelizaveta hər zaman zərif bir çanta ilə ictimaiyyət arasında görünür, ancaq bu yaxınlarda məlum olub ki, bu aksesuar gözlədiyimizdən daha vacibdir.
KONKRET.az xəbər verir ki, Britaniya monarxının sirlərindən birini Barak Obamanın protokolunun keçmiş rəhbəri Kaprisia Marşall üzə çıxardıb.
O, “People” nəşrinə verdiyi müsahibədə Əlahəzrətin çantasına heç kimin toxunmaq hüququnun olmadığının səbəbini izah edib.
Marşall Obama cütlüyünün 2011-ci ildə Bukingem sarayına səfəri zamanı buna əmin olub. Kaprisia II Yelizavetaya Amerika prezidenti və xanımı ilə görüşməkdə kömək etmək istəyib və çantasını ondan götürməyə hazırlaşıb, o vaxt həmkarı dərhal onu dayandırıb: “O, hər iki əlimi tutub məni divara tərəf itələdi. Üzr istədikdən sonra nəyə görə çantaya toxunmamağın səbəbini soruşduqda o, belə cavab verdi: “Çantada tam olaraq nə olduğunu bilmirik, amma toxunmağa haqqımız yoxdur”.
Sonradan Marşall çantanın içindəki şeyin o qədər də vacib olmadığını bilib: “Bir müddət sonra kraliçanın çantadan siqnal kimi istifadə etdiyini başa düşdüm. Əl çantası biləkdən yuxarıdırsa, görüş əlverişlidir. Ancaq II Yelizaveta çantanı aşağı endirsə, tabeçiliyində olan şəxslər başa düşəcək ki, incə vidalaşmağın vaxtı gəldi”.
Oxunub: 563
