Fransada son bir gündə təxminən 300 nəfər yeni növ koronavirusdan ölüb, ölənlərin sayı ümumilikdə 2,6 mini keçib.
APA “TASS”-a istinadən xəbər verir ki, bu barədə mətbuat konfransında ölkənin Səhiyyə İdarəsinin baş direktoru Jerom Salomon bildirib.
“Martın 1-dən bu yana xəstəxanalarda 2606 ölüm hadisəsi qeydə alınıb. Son 24 saat ərzində 292 nəfər ölüb”, - deyə Salomon qeyd edib. Eyni zamanda, bu müddət ərzində 7 mindən çox insanın sağaldığı və xəstəxanalardan buraxıldığı vurğulanıb.
Onun sözlərinə görə, Fransada koronavirus infeksiyasına yoluxma hallarının sayı ümumilikdə təxminən 40,2 min nəfərdir. Hazırda ölkədə 19 mindən çox şəxs xəstəxanalardadır: “Bunlardan təqribən 4,6 min insan reanimasiyadadır. Onların üçdə biri 60 yaşına qədər insanlardır”.
Bildirilir ki, “virusun yayılması ilə bağlı vəziyyət pisləşməkdə davam edir”.
Oxunub: 427
